Violenza ad una vergine nella terra dei morti viventi
C'l artìcul chè 'l è scrit in
Miranduléś |
![]() | ||
Violenza ad una vergine nella terra dei morti viventi | ||
![]() L'Herce, la Julien, Durand e la Castel in na figùra dal film | ||
Viulénsa a na vìrgin in dla tèra di mòrt vivènt 1971 | ||
---|---|---|
Regìa: Jean Rollin | ||
Scritōr: Monique Natan • Jean Rollin | ||
Atōr: Marie-Pierre Castel • Jean-Marie Durand Sandra Julien • Kuelan Herce • Michel Delahaye Dominique • Jacques Robiolles • Nicole Nancel | ||
Müsica: Acanto World Music | ||
Léngua: Francéś | ||
Dürä dal film: 95 minüt | ||
Nasiōṅ: Frància |
Violenza ad una vergine nella terra dei morti viventi (Viulénsa a na vìrgin in dla tèra di mòrt vivènt) 'l è 'n film ad scarésa francéś dal 1971 ad Jean Rollin.
Al tìtul uriginàł “Le frisson des vampires” (ch'a vōl dir “Al śgriśōr di vampîr” in Emigliàṅ) a n gh'èntra pròpria gnint cun qvél sarnî da i distributōr itagliàṅ parchè in dla pelìcula di śómbi a n gh 'n è minga.
Sunt
L’Isa (Sandra Julien) e Antoine (Jean-Marie Durand), inśgnēr letrònic, i èṅ na còpia ad śōvan spóś in viàś ad nòsi. Prima 'd rivàr in Itàglia i decìdan 'd andàr a catàr i dū sò cuśèṅ ad lē, Hermann (Michel Delahaye) e William (Jacques Robiolles), gl'ùnic parènt ch'i gh'èṅ armàś ch'i vìv'n in un castèl in Frància e ch'i èṅ dimóndi strâṅ. Rivâ in sal pòst na dóna ciamàda Isabelle (Nicole Nancel) la gh diś però ch'i dū óm i èṅ mòrt, lē la 'l sà parchè l'éra la sò amànta. In tut al manéri dū ragasōli ch'i lavóran là cuma dóni di fat e ch'i faṅ anc al malnéti insém, na biónda (Marie-Pierre Castel) e n'aśiàtica (Kuelan Herce), i gh admàndan 'd armàgnar listés là.
A meśanòt a salta fóra da na péndula na dóna ch'la s ciàma Isolde (Dominique) ch'la taca a far la daśnumóśa cun l’Isa par pò murśgàr-la esénd lē na vampîra acsè cum i sò cuśèṅ ch'i èṅ stâ vampiriśâ a sò vòlta. Chi lōr i n s càtan briśa a 'l campsànt, cuma tut i crédan, ma i s lógan in bibliutéca in dua i stùdian al religiòṅ di cumpunènt dla sò rasa.